Терористичката организација ИСИС ги повика своите следбеници меѓу Албанците во текот на претстојните новогодишни празници да изведат напади
„Имаш доволно време да обезбедиш возило и да ги прегазиш во нивните гужви, или да купиш нож и да ги погодиш, или да ја наполниш пушката со муниција“, ова е пораката на ИСИС која е испратена на албански јазик по пат на свои канали за комуникација.
„Иако твојата душа не може да ги прифати, влетај во нивната гужва и викни – ‘Алах е најголем’“, стои на крајот на пораката на терористичката организација.
Покрај останатото, во заканувачката порака, ИСИС проценува дека 2018.година ќе биде крвава. Иако таканаречената ИСИС трпи последователни порази во Ирак и Сирија. Последната закана доаѓа по повикот на ИСИС упатен кон т.н. „осамени волци“, да ги ангажираат мигрантите и да го нападат Ватикан и Колосеумот за Божиќ.
Центар за извоз на радикални исламистички терористи на Балканот е косовски Качаник, од каде годишно заминуваат голем број на терористи на боиштата во Ирак и Сирија, а постојат и податоци дека борците кои бегаат од боиштата маскирани како мигранти својот пат го завршуваат во камповите околу Качаник. Од ова место беше и терористичкат група од кумановско Диво Насеље, кои подоцна под покровителство на градоначалникот на општината беа погребани со највисоки државни почести.
На гости кај градоначалникот на Качаник минатиот викенд престојуваше пратеникот и потпретседател на СДС Мухамед Зекири заедно со уште неколкумина оперативци на УБК, АР и МВР.