ПРЕКУ ТРИЕСЕТ БИСТИ УКРАДЕНИ ОД ГРАДСКИТЕ ГРОБИШТА ВО БУТЕЛ: Граѓаните запрепастени од крадците кои ги сквернават вечните почивалишта на нивните најблиски

- Advertisement -

Околу триесетина споменици-бисти недостасуваат од местат на кои биле поставени на Градските Гробишта во Бутел.

Многумина скопјани што викендов за Задушница ги посетија гробиштата во Бутел беа непријатно изненадени затоа што на гробовите недостасувале бистите излеани во бронза. Според информациите, во изминативе денови биле украдени триесетина бисти, објави „Слободен печат“.

– Дојдов на гробот на мојот починат татко и таму ја немаше неговата биста. Пријавив во Дирекцијата на гробиштата и оттаму ми рекоа дека се украдени триесетина бронзени бисти. Претпоставувам дека се украдени за да бидат продадени во старо железо, но не ми е јасно како е можно да не се води никаква грижа за гробиштата – вели Горан од Скопје.