Веста дека претседателот на Советот бил вклучен во изборот на неговата внука за обвинител за гонење на организиран криминал и корупција, Бејли го посочи како еден од примерите кои ја намалуваат довербата на граѓаните во правосудството.
– Во текот на годинава стана збор за јавното обвинителство и Советот и еден од членовите учествуваше во донесувањето на таква одлука и имаше случај кога еден јавен обвинител, член на Советот гласаше за одлука на член на семејството на друг член на Советот и тука ми се чини дека станува збор за судир на интереси. Јавноста и професионалците изгубија уште неколку грама доверба во системот вели Бејли
На конференција посветена на владеењето на правото во земјава, амбасадороот Бејли упати критики и за начинот на кој судовите ги водат постапките. Порака до судиите и јавните обвинители испрати и министерот за надворешни работи.
Токму зголемувањето на транспарентноста на судовите и правилното известување на медиумите, според амбасадорот Бејли се едни од најважните реформи кои треба да ги претрпи овој сектор.
