ПРЕМИЕРОТ ГИ КОРЕГИРА НОВИНАРИТЕ: Владата им зготви упатство за употреба на ,,С” Македонија

Поврзано

- Advertisement -
- Advertisement -

Владата не наложува, но замолува медиумите да го користат новото име на државата.

„Најљубезно ве молиме да ги употребувате следните термини: официјалното име на земјата: „Република ,,С” Македонија”; Кратко име: „,,С” Македонија”. Националност (државјанство): Македонско/граѓанин на Република ,,С”Македонија“ се наведува во упатството за медиумите.

Ова ќе биде задолжително само за Македонската или по ново Националната радио телевизија и за Македонската односно Националната информативна агенција. За приватните медиуми, Владата само сугерира. Како што информираат од „Илинденска“, иако Уставните измени стапија на сила, не може да се очекува државата да формира некаква „јазична полиција“ која ќе им наложува како да се изразуваат новинарите.

И покрај тоа, неодамна токму премиерот во напорите за креативно толкување на Преспанскиот договор си зеде за право да коригира новинар, кој одлучи да го употреби името Република Македонија во едно свое прашање.

Од Владата велат дека и грешките на функционерите при користењето на имињата и придавките треба да се пренесуваат онака како што биле изговорени, иако премиерот и својот министер Анѓушев јавно го поправаше кога државата ја нарече со старото име.

Од Владата денеска објаснија дека историските референци си остануваат онакви какви што биле, Борис Трајковски бил претседател на Република Македонија и настаните што се случиле до 12 февруари годинава се пишуваат дека се случиле во Република Македонија, а се после овој датум се смета дека е случено во Република ,,С” Македонија.

Сепак, премиерот беше креативен и во овој дел. па на годишнината од смртта на Трајковски рече дека тој бил силен лобист за ,,С” Македонија да стане членка на НАТО.

Владини извори брифираат дека и грчките власти максимално коректно го почитуваат Договорот од Нивици, но дека и кај јужниот сосед ќе треба долго време за приватниот сектор да ги прифати промените и да ги напушти изразите како Скопје или ФИРОМ кои се користат за именување на нашата земја и народ. Потенцираат дека од грчка страна досега немало никакви жалби и забелешки во врска со спроведувањето на Договорот од македонска страна.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This