Двајца браќа вработени во Македонски Шуми во Македонски Брод го претепале реонскиот шумар Винко Костоски, дознава Инфомакс, откако истиот извршил контрола на сечата која ја правеле браќата
Како што дознаваме браќата Д.В и Р.В, инаку шумочувар и референт по приватни шуми на ден 22.11.2017 година во 14.30 часот вршеле бесплатна сеча и пустошење на шума. Кога реонскиот шумар ВИнко Костоски им извршил контрола и ги открил крадците бил брутално нападнат и натепан со секира, клоци и тупаници.
Истиот го пријавил случајот во полиција, а бил префрлен и во болницата во Прилеп поради сериозноста на повредите.
Двајцата браќа биле пријавени дека се на работно место, додека вршеле кражба на дрва, а и претходно биле казнувани и еднаш суспендирани поради истото дело.