Јусуф Ака бил снимен од безбедносните камери како со нож напаѓа и прободува човек пред болница во британскиот град Лестер.
Откако го избодува првиот човек, Јусуф Ака влетува во чекалната полна со пациенти и започнува да фрла се пред себе. На снимката, направена во јануари оваа година, може да се види како пациентите и медицинскиот персонал бегаат додека Ака продолжува да дивее.
Една медицинска сестра успеа да остане смирена и им помогна на луѓето што е можно побрзо да побегнат, насочувајќи ги кон излезот, подалеку од напаѓачот.
Во еден момент човек во инвалидска количка остана заглавен во просторијата обидувајќи се да побегне. Медицинската сестра го забележа и тргна кон напаѓачот со цел да го одвлече неговото внимание, иако тој имаше нож во раката. Напаѓачот зеде еден од компјутерите и го удри човекот во количката, но за среќа не го употреби својот нож.
Кога сите пациенти, кои што голем дел од нив завршија со полесни повреди, успеаа да се засолнат, сестрата конечно ја напушти просторијата.
