Денес во 10.00 часот продолжува судењето во случајот „Рекет“, а како сведоци треба да се појават сопругата на Орце Камчев, Ана Камчева како и сметководителката на „Орка Холдинг“ Мирјана Бошковска
Сопругата на Орце Камчев, Ана Камчева е личноста која му ги предала парите од првата транша од рекетот кој бил организиран, според обвинението, од Катица Јанева и Бојан Јовановски.
Бошковска пак е сметководителката која се гледа на снимките објавени во „Ла Верита“, како му ги предава парите на Бојан Јовановски и го информира дека за парите е направена спецификација.
На последното рочиште, Бојан Јовановски го вмеша и министерот за здравство Венко Филипче во „Рекет“.
Ана Камчева која требаше да сведочи во петокок, не беше присутна поради зголемена телесна температура.