Денес со почеток од 16:30 часот пред Собранието во Скопје ќе започне мирниот протест кој го организира мајката на исчезнатото момче, Пино Секундо (26) за кого нема никаква вест повеќе од дваипол месеци.
Маја Трпковска, која е во очајна потрага по нејзиното дете, вели дека протестот е со цел да се сврти вниманието на јавноста не само кон случајот со Пино, туку и кон голем број на случаеви со мистериозни исчезнувања на лица од земјава, околу тоа како институциите ја извршуваат својата работа, но и колку се граѓаните безбедни во својата земја, пишува Фокус.
Таа додава дека ги повикува сите кои се загрижени поради случувањата, но и оние кои се чувствуваат небезбедно, да и се придружат, а го повикува и министерот за внатрешни работи, Оливер Спасовски, од кого барала одговори.
Спонзорирано видео
