Поголема група граѓани денес се собра пред Амбасадата на Руската Федерација во Македонија во знак на поддршка за протераниот руски дипломат, искажувајќи несогласување со владините политики со кои се промовира безалтернативност на „Евроатлантските“ интеграции
„Окупирани сме од НАТО“, „Македонија е окупирана земја“, „Русија, Русија“ се скандираше на мирниот протест пред Руската амбасада во Скопје. Присутните изразија поддршка за Рускиот амбасадор и укажаа дека Македонскиот народ не се согласува со одлуките на државното раководство.
Со свое обраќање ги почести и амбасадорот Олег Шчербак, кој им се заблагодари на присутните но и на сите оние кои поддржуваат продолжување на традиционалното македонско-руско пријателство.
Амбасадорот Олег Шчербак изрази жалење што Македонија морала да донесе таква одлука под притисок, но додаде и дека ваквиот чекор претставува и своевидна провокација, непријателски чин кон Руската Федерација.
