„Колку Македонија одвојува за наука?! Срам ми е да кажам пред колегите од Србија и од Бугарија“.
Со овие зборови д-р Гордана Богоева-Гацева, професорка на Технолошко-металуршкиот факултет при Универзитетот „Св. Кирил и Методиј“ во Скопје, го почна уводното предавање на работилницата „Предизвици на патот на македонските универзитети кон европската истражувачка зона и Шангајската листа“ што ја организира алумни-асоцијацијата „Хумболт и ДААД Клубот-Македонија“ на Факултетот за електротехника и информациски технологии пренесува порталот „Факултети“.
На собирот учествуваа повеќе од 50 научници, претежно универзитетски професори од земјава и од регионот, а целта на средбата беше вмрежување на алумните на фондациите ДААД и Александер фон Хумболт во нашата земја со пошироката академска заедница, промовирање на академската соработка и размена со Германија, да поттикне дебата за неповолната состојба во која се наоѓа академскиот и истражувачки сектор во Македонија.
ЛИНК до написот на Факултети.мк
