Откако „Фајзер“ и „БиоНтех“ објавија дека нивната вакцина против корона е ефикасна 90 проценти, пристигнаа пораки од Русија каде претседателот Владимир Путин рече дека земјата е на пат да развие трета вакцина, и дека веќе постоечката Спутник V е повеќе од 90 проценти поефикасна.
На видео-конференцијата на самитот на Шангајската организација за соработка (СОЦ), Путин зборуваше на таа тема, но не сакаше да открие детали за третата руска вакцина што ја најави.
„Москва сега е подготвена да соработува со сите земји во развојот на вакцината, вклучувајќи ги и партнерите на СЦО, но не сакам да има политизација во овој процес. Верувам дека вакцината треба да биде достапна за сите”, додаде Путин.
Оваа дискусија следеше откако „Фајзер“ и „БиоНтех“ објавија дека тестовите покажале дека нејзината вакцина против коронавирус е ефикасна 90 проценти, а со оглед на тоа што Русија ја имаше својата прва регистрирана вакцина Спутник V во август годинава, тие сега сакаат да го потсетат светот на тој факт.
Спутник V првично беше оспорувана од бројни експерти и државници затоа што беше развиена многу брзо, сепак, тестовите покажаа дека е ефикасна, пишува Си-ен-би-си. Потоа, Путин најави почеток на работа на втората руска вакцина, а по објавувањето на „Фајзер“ и „БиоНТех“, очигледно сака да го забрза процесот и да започне да работи на третата.
Русија соопшти дека ја воведува својата вакцина Спутник V за домашна употреба, и покрај фактот дека испитувањата во доцните фази сè уште не се завршени, а во вторникот рече дека е ефикасна над 90%.
„Студиите веќе покажаа и потврдија дека, прво, овие (руски) вакцини се безбедни и немаат сериозни несакани ефекти по употребата, и второ, сите се ефикасни“, рече Путин.
