Комисијата за заштита од инфективни болести утрово разговараше за новите мерки за заштита од Ковид-19. Како резултат на влошената епидемиолошка состојба, неофицијално, Комисијата му препорача на Кризниот штаб маските да бидат задолжителни дури и на отворени јавни простори.
Извори на Алсат од Комисијата за инфективни болести неофицијално велат дека се водела жестока дебата во врска околу можноста за евентуално враќање на задолжителниот негативен тест за ПЦР за граѓаните од земјите во регионот. Членовите на комисијата биле поделени, но на крајот е заклучено дека е премногу рано да се врати одлуката за задолжителен ПЦР.