Заразите се стабилизирани низ целата земја, но се зголеми бројот на случаите во северна Грција.
Министерството за цивилна заштита објави дека во Солун и поширокиот регион, како и во соседниот регион Халкидики и во Лариса, петтиот најнаселен град во земјата, од 1 октомври една недела ќе бидат во сила ограничувања од 4-ти степен.
Грција минатата година ја помина првата фаза на пандемијата подобро од многу други земји, но оваа година има зголемување на бројот на случаите.
Во Грција вчера беа регистрирани 2.232 новозаразени и 33 починати, со што вкупниот број случаи од почетокот на пандемијата се искачи на 655.767, а на смртните случаи на 14.828.
Земјата со 11 милиони жители досега администрираше повеќе од 12 милиони први дози вакцина. Околу 58 проценти од Грците се целосно вакцинирани и владата се надева дека ќе го зголеми бројот на вакцинирани лица на 70 проценти, што би ги зголемило шансите за градење колективен имунитет.
