Зголемениот број пациенти со симтоми на Ковид-19 за време на празничниот викенд, денеска резултираше со осум нови случаи во Делчево. Надлежните од Здравствениот дом информираат дека случаите се очекувани, а се резултат на направените тестирања на граѓаните кои деновиве се пожалиле на влошена здравствена состојба.
-Се работи за пациенти на возраст над 45 години, чии наоди налагаа тестирање, а кај дел од нив и болничко згрижување. Тоа се претежно случаи од недела, понеделник и вторник. Дел од нив се упатени на испитувања на Инфективно во најблиските болници, така што како што и се сомневавме осум од случаите се позитивни, истакнаа од Здравствениот дом во Делчево.
Добро во целата ситуација, според надлежните, е тоа што дел од пациентите меѓу кои и првиот кај кој се јави вирусот и беше хоспитализиран, веќе се пуштени од болница.
– Да споменеме дека креветите и душеците кои ги набавивме ги користиме за дел од пациентите кои се во потешка состојба се до моментот додека треба да се препратат на понатамошно лекување. Притоа е запазена заштитата на персоналот и на останатите пациенти со кои е избегнат контактот – додадоа од Здравствен дом.
Денеска освен во Делчево нови случаи на Ковид-19 се регистрирани во Пехчево, вкупно пет лица, додека еден заразено лице од Ковид-19 има и во Берово.
