Според последниот попис, ширум Хрватска има 150 села во коишто повеќе нема ниту еден жител, а повеќето од нив се во општината Делнице и во Карловачката жупанија и Истаркста жупанија, пишува „Вечерњи лист“.
како што пишува весникот, со оглед на тоа што последниот попис беше спроведен во 2011 година, може да се претпостави дека денес има повеќе такви случаи.
Имавме бран емиграција, земјотреси и „бела чума“ од која се уште не сме се опоравиле. Нашите села очигледно пропаѓаат – наведува весникот.
Со судбината на исчезнатите села се занимаваат историчарот и лексикограф Влатка Дугачки, антрополог Лана Петернел и историчарот и археолог Филип Шкилјан, автори на монографијата „Исчезнати населени места во Република Хрватска“.
Ненаселените места, како и во другите општества и заедници, се сложена социјална појава и не настануваат сами по себе. Во исто време, тие се празни затоа што никој не живее во нив, но тие се статистички присутни како дел од негативните статистики и рефлексии на нашето општество. Со други зборови, Република Хрватска е просторно празна со децении – објаснува Дугачки.
Според резултатите од пописот во 2011 година, најголем број на исчезнати населби има во Горски Котар, па во Карловачка жупанија, по што следува Истарска жупанија, а потоа и Пожешко-славонската.
Скоро 50 населени места исчезнале во Приморско-горанската жупанија.
Списокот на ненаселени места е доказ за откривање и соочување со незапирливиот процес на губење на културните, економските и социјалните вредности. Исто така, како што покажаа претходните истражувања и анализи, јазот обезбедува силна лост за доведување во прашање на односот помеѓу политичкиот систем, социјалните односи, културните и националните одредници, но и економскиот капитал, законодавството и луѓето – посочува Дугачки.
