Со избувнувањето на пандемијата на коронавирусот, многу научници се обидоа да проучат дали има групи на луѓе кои имаат поголема веројатност да добијат Ковид-19.
Едно истражување покажа дека луѓето со крвна група А имаат поголем ризик да бидат заразени со коронавирусот.
Но, новото американско истражување, најголемо од ваков вид до сега, заклучило дека нема доволно докази што сугерираат дека крвната група влијае на ризикот од тежок Ковид-19 или можноста за коронавирус во ран стадиум.
Студијата вклучува околу 108.000 луѓе кои биле тестирани на коронавирусот или биле хоспитализирани во три американски држави поради тоа. Резултатите од оваа студија, објавени во американското медицинско списание JAMA Network Open, покажаа дека не е пронајдена значителна корелација помеѓу крвната група и коронавирусот, сериозноста на симптомите на болеста и веројатноста за хоспитализација поради Ковид-19.
Водечкиот автор на студијата, д-р Џефри Андерсон, вели дека истражувачите не нашле корелација помеѓу крвната група и веројатноста за инфекција со коронавирусот, односно сериозноста на клиничката слика.
– Ние веруваме дека значајните врски помеѓу коронавирусот од една страна и крвните групи од друга страна се малку веројатно – наведуваат истражувачите.
