Тие не тераат да правиме салто напред и назад на албански. Абе може ли да се прави салто напред и назад на албански? – Не може. Јас мислам дека ќе си направи, и веќе си направи „салто мортале“, тоа на италијански така го викаат – рече кандидатот за пратеник од Изборната единица 1 Чедомир Саздовски
– Зоране, јас сакам да те посоветувам дека е време да престанеш да го слушаш оној чичкото од скопското Кале, а со тоа и да престанеш да ја разнебитуваш мојата земја Македонија. Едноставно се бунтувам, ти се спротивставувам од мојата земја да правиш да биде двојазична, да биде федерализирана, да и го менуваш вековното име. Јас немам друга татковина ти можеби имаш. Затоа граѓаните нема да ти дозволат да се повтори „Среќна нова 49-та“.
Најголемата милениумска лага е онаа за вработувањето на еден член од секое семејство. Наместо тоа, тие ги отпуштија и тие што беа вработени.
– По барање на СДСМ еден од евро-амбасадорите по име Ерван Фуере дигна големи таламбаси во Брисел да му се изврши притисок на премиерот Никола Груевски да отстапи од тогаш најавената акција за проверка на книговодството на „евро-интеграторката“ Радмила Шеќеринска – Јанковска, односно, на нејзиниот познат „домаќинлук“ за трошењето на европските пари. За жал почитувани, таа епизода остана незавршена под европски политичко-институционален притисок за покривање на арамолепството на нејзината политичка класа – рече Саздовски.
Имено, Радмила Шеќеринска во наведениот период беше вице-премиер за евроинтеграции во владата на ВМРО-ДПМНЕ, каде што незаконски се богатела!
