Косовскиот премиер Рамуш Харадинај изјави дека расправата за размена на територија може да донесе трагедија на Балканот, а, како што оценува, нема потреба да се враќаме назад
„Јасно се виде кој загуби, а кој победи. Оваа расправија е опасна затоа што доведува до омраза, дестабилизација и нови војни на Балканот, бидејќи нема држава во која нема национални малцинства. Само Србија е полна, преполна со национални малцинства од Медвеѓе до Суботица. Ако овој предлог доаѓа од Србија, само Србија би имала губитоци во тој правец“, рекол Харадинај за „Прешево јоне“.
Тој вели дека, ако Србија е заинтересирана за стабилност, националните малцинства треба да добијат права, а пред се Албанците во Прешевската долина.
„Ние им ги дадовме сите можни права на српското малцинство на Косово. Затоа, Србија треба да учи од Косово како се почитуваат малцинствата – никогаш не сме вршеле насилство, не сме стопирале учебници на српското малцинство, не сме се заканувале или плашеле со авиони и хеликоптери Србите на северот на Косово“, рекол Харадинај.
