Рускиот амбасадор во Париз бил повикан во француското Министерство за надворешни работи во врска со мерките против европските претставници, се вели во соопштението на Министерството.
Француското Министерство изрази загриженост до рускиот амбасадор во врска со мерките за ограничување на вработувањето на работниците во дипломатските мисии.
Во соопштението се наведува и дека новите санкции на Русија против европските дипломати нема да ги намалат тензиите во односите.
Руското Министерство за надворешни работи на 30 април објави дека Русија забранува влез на осум граѓани на земјите од Европската унија и претставници на нејзините официјални структури како одговор на санкциите. Руската страна посочи дека мерката е донесена како одговор на акциите против шест руски државјани, на кои им е забранет влез на територијата на ЕУ.
