Претседателот на ВМРО-ДПМНЕ Христијан Мицкоски во неговото денешно обраќање се осврна на економските резултати на владата, за кои вели дека се најлоши од осамостојувањето па до денес.
-БДП во првите три квартали е 0,4% под нулата, што значи дека има негативен раст а до крајот на годината би биле среќни ако завршиме некаде околу позитивната нула, што претставува едно од најлошите достигнувања од остамостојувањето на Република Македонија па до денес. Кога светската економија бележи пораз ние се радуваме на резултати кои се движат околу нулата. – рече Мицкоски.
Лидерот на опозицијата додаде и дека во огромен пад се и индустриското производство и градежништвото а говореше и за намалувањето на странските директни инвестиции во Република Македонија.
Во исто време, Мицкоски додаде дека се намалени и бруто-домашните резерви.