Заев не понуди граѓански концепт, туку двојазичност, ваков е ставот на политичкиот аналитичар Александар Пандов во однос на опозициската СДСМ и нејзиниот настап на предвремените парламентарни избори.
„Ако говориме за граѓански концепт, јас ќе бев среќен, ако лидерот на СДСМ настапеше кај Албанците со “луѓе јас ќе направам вакви и вакви услови за вработување, ќе го направам ова, ќе направам економски она што ги засега Албанците, претпоставувам Албанците во Тетово, Липково, Гостивар имаат иста мака со Македонецот во Зелениково или каде било, а тоа се вработувањата, подобра плата, подобра пензија, подобар стандард – тие се граѓанскиот концепт безразлика дали сум јас сум Македонец, вие Албанец, Ром, Влав. Тоа е граѓански концепт, а национален концепт е ако Албанецот гласал за СДСМ затоа што Заев му ветил двојазичност. Тој во 10 изјави говореше дека еднаквоста во Македонија меѓу Албанците и Македонците ќе сме ја постигнеле кога ќе имало двојазичност“, истакна Пандов.
Мухамед Халили, Љубомир Јосифовски и Александар Пандов гостуваа во Аргументи на ТВ НОВА, на тема „Собрание-годинава, Влада-догодина“.