Амбасадата на Руската Федерација во Македонија реагираше на изјавата на министерот за економија Крешник Бектеши кој пред два дена упати закана до Руската Федерација дека повеќе немало да извезуваме кон еден од најголемите пазари во светот, а министерството ќе најдело алтернативни решенија за производството на овоштарите и останатите земјоделци
Од решенија, секако, нема ништо. Овошките скапаа на нивите, поголем дел се истурени на буништата и по патиштата на протестите организирани од земјоделците. Бектеши, се обиде ситуацијата со руската блокада за увоз на праски од Македонија поради неисправна фитосанитарна состојба, да ја искористи да го промовира НАТО.
Секако, Бектеши цел месец не смееше буквално збор да изусти кога Косово во потполност го блокираше увозот на земјоделски производи од Македонија. Тогаш, молчеа.
Од Амбасадата на Руската Федерација реагираа на официјалниот Твитер профил на амбасадата, со коментар „НАТО и праските… Додека едни бараат политика таму каде што ја нема, други бараат решенија“
НАТО и праските… Додека едни бараат политика таму каде што ја нема, други бараат решенија https://t.co/KPqhsBm0WD pic.twitter.com/cr6uEYuoWj
— Посольство России МК (@Russian_Emb_MKD) August 18, 2018
