Фросина Ременски во изјава за медиумите денес потврди дека ќе поднесува кривични пријави против граѓаните кои протестираа пред нејзиниот дом, незадоволни од начинот на кој што гласаше по однос на законот за јазици, со кој дефакто се инсталира двојазична држава на сите нивоа на власт
„Правото на протест е загарантирано за секого, но овде не стаува збор за протест бидјеќи не е најавен во надлежните институции. Ова предизвикува последици, кои, ако не се превенира, може да добијат други размери. Демократијата не значи загрозување на безбедноста на другите. Чувството на небезбедност е лично. Како што го чувствувам јас, го чувствуваат и моите колеги. Недоличните пароли оставаат простор за тоа“, вели Ременски.
Пратеничката ќе поднесе пријава за вршење насилство врз неа и нејзиното семејство. Ременски миленичето си го нарече свој полицаец и додаде дека вториот полицаец спиел до неа, односно тоа бил нејзиниот сопруг.
„Рекс и сопругот треба да ги преземаат активностите што треба да ги преземе полицијата. Тука не станува збор за приватно поведение, туку за обврска на институциите да ги штитат граѓаните на Македонија“, додава Ременски.
Фросина Ременски ја обвини полицијата дека не постапувала во согласност со заканите, односно тврди дека МВР не ги штити граѓаните. Според неа, ако демонстрантите продолжеле да протестираат, ќе се соочеле со други санкции според други закони.
