ДУИ сеуште нема добиено писмени гаранции од СДСМ за прифаќање на албанската Платформа. Од партијата на Ахмети остануваат категорични дека без гаранции ставени на хартија Заев нема да добие поддршка за добивање на мандатот од претседателот Иванов.
Од СДСМ велат дека и денеска траат внатре партиските консултации. Демантираа дека писмените гаранции се веќе подготвени за испорака до Мала речица. Велат дека до овој момент партијата нема дефинирано конечен документ.
И работните групи за преговори на двете партии се во мирување. Се чека на гаранциите кои ДУИ ги побара а Заев најави дека ќе ги даде.
ОД ВМРО-ДПМНЕ се со познат став дека излез од пост изборната политичка криза се само нови избори. Ова во последното телевизиско интервју го потврди и лидерот на партијата.
