Романија го запре увозот на вакцини за „Ковид-19“, откако граѓаните повеќе немаат интерес да се вакцинираат што ја натера владата да продаде повеќе од милион дози на Данска и да побара продолжување на важењето на десетици илјади истечени дози вакцина.
Голем број држави во централна и источна Европа имаат загриженост во врска со намалувањето на стапките на вакцинирање.
Околу 24 проценти од 19 -те милиони жители на Романија се целосно вакцинирани, но вакцинацијата пропадна во голем број провинциите.
Во исто време, забавената стапка на инфекција го ослабна поттикот за вакцинирање кај некои во Романија: само 31 нови случаи на „Ковид-19“ и пет смртни случаи беа пријавени во четвртокот, додавајќи на вкупно 1,08 милиони инфекции и 33,786 смртни случаи.
„Ние ги суспендиравме порачките на вакцини, освен дозите на Џонсон и Џонсон“, рече романскиот заменик-министер за здравство, Андреј Бациу, додавајќи дека 237.000 дози на вакцината се очекува да пристигнат во четвртокот во земјата.
Официјални лица велат дека Романија примила повеќе од 16 милиони дози на неколку вакцини од западно производство, но се искористени помалку од 55 проценти, бидејќи бројот на вакцини што се администрираат дневно е намален на околу 20.000 од 100.000 минатиот месец.
Владата оваа недела објави продажба на 1,17 милиони дози неискористени вакцини Pfizer/BioNTech на Данска.
„Покрај Данска, има барања од многу други држави [за неискористени дози] , откри Бачиу.
Романија, исто така, побара од „АстраЗенека“ да го продолжи рокот на траење на 43.000 дози на вакцини, што истече во средата, по сличниот потег на здравствениот регулатор во Канада, што резултираше со продолжување на валидноста на две серии на вакцини за 30 дена.
Соседна Бугарија има најниска стапка на вакцинација во ЕУ – со само околу 14 проценти од нејзините 7 милиони луѓе кои добиле една доза и 11,4 проценти се целосно вакцинира- и сега се расправа дали да се донираат неискористени дози што се ближат до истекот на соседните Балкански држави или да им ги понудиме на „вакцинални туристи“.
Во обид да ја зголеми стапката на вакцинација во Словачка, министерот за финансии Игор Матовиќ-кој беше принуден да поднесе оставка од премиерската функција во март, откако се согласи да ја купи руската не-овластена вакцина „Спутник V“-предложи неделна лотарија во која вакцинираните лица би можеле да освојат награди за до 2 милиони евра.
