На барање на Владата на Р.Македонија до владата на Руската Федерација, во текот на утрешниот ден на аеродромот „Александар Велики“ ќе слета авион на Руското министерство за вонредни ситуации полн со опрема и неопходна хуманитарна помош со цел справување со последиците од елементарната непогода
Пратката која треба утре да стигне во Македонија, е само дел од помошта која Русија ја испраќа во Македонија со цел краткорочно, среднорочно и долгорочно справување со последиците за поплавите.
Од Амбасадата на Руската Федерација пристигна и официјална потврда, која ја пренесуваме во целост.
[kopa_block_quote class=”e.g. kopa-blockquote-1, kopa-blockquote-2″]Ве известуваме дека во врска со молбата на Владата на Република Македонија Владата на Руската Федерација испраќа хуманитарна помош во Република Македонија, наменета за справување со последиците од поплавата која се случи во Скопје и Скопскиот регион на 6-7 август оваа година, а исто така и за засилување на капацитетите на служби за кризно реагирање на Република Македонија.Хуманитарната помош ќе биде доставена со специјалниот авион на Министерството на Руската Федерација за цивилна одбрана, вонредни состојби и отстранување на последиците од елементарни непогоди на Аеродромот „Александар Велики“ во Скопје на 26 август оваа година во 15:35 часот.
Авион „Ил-76“ ќе достави во Скопје мобилни дизелни и бензиски генератори со моќност од 5 до 120 kW, специјални пумпи и пумпена опрема, ќебиња, конзерви од риба и месо.
Исто така ве информираме дека деновиве специјалистите на руското Министертво учествуваат во доделување хуманитарна помош низ светот, односно, одстранување на последиците на големите поплави во Централната Русија, шумските пожари во Португалија, големите хуманитарни операции за испорака на храна и лекови за цивилното население на југоисточниот дел на Украина и на Сирија. Покрај тоа, Русија изрази подготвеност да испрати специјалисти и хуманитарна помош во Италија во врска со разурнувачкиот земјотрес.[/kopa_block_quote]
Руската Федерација е единствена супер-сила која испрати помош во Македонија со цел справување со последиците од поплавите по едно доставено барање од Македонската влада. Досега ниту САД (стратешки партнери), НАТО ниту ЕУ не се одзваа на повиците за помош.
