Официјалната претставничка на Министерството на надворешни работи на Русија, Марија Захарова, смета дека изјавите на украинскиот лидер дека сакаат мир со Русија се празни зборови.
„Порешенко имаше шанса за глобален мир како внатре во земјата така и во светот со реализација на Минскиот договор“, рече Захарова, коментирајќи ги изјавите на украинскиот претседател Петро Порешенко дека на Украина и е потребен мир со Русија.
„Тие таа шанса не ја искористија. Давањето празни ветувања, но не и нивно исполнување, тоа личи на него“, додаде Захарова.
Порешенко претходно изјави дека Киев ќе инсистира на решавање на спорот во Донбас со политички и дипломатски средства, но дека само ефикасна армија би можела да гарантира мир. Тој додаде и дека во наредните пет години приоритет на властите ќе биде модернизација на војската и набавка на современи оружја.
