Рускиот претседател Владимир Путин ја потврди посветеноста на Русија и понатаму да придонесува за нормализирање на врските меѓу Јужна и Северна Кореја во телефонскиот разговор во неделата со неговиот јужнокорејски колега, Мун Џае-ин, велат од Кремљ.
“Подготвеноста на Русија за понатамошно промовирање на воспоставувањето на практичната интеракција меѓу Јужна и Северна Кореја беше потврдена, особено преку спроведување на трилатерални инфраструктурни и енергетски проекти од големи размери”, се вели во соопштението.
Рускиот претседател ја истакнал важноста на континуираните напори на сите инволвирани страни за поддршка на политичкото решение за постојните прашања, земајќи го предвид патоказот за решавање на спогодбата предложен од Русија и Кина.
“Актуелните прашања од билатералната агенда се дискутираа со акцент на проширувањето на заемно корисна соработка во разни области. Договорен е и распоред на контакти на највисоко ниво”, се вели во соопштението.
Разговорот помеѓу претседателот се одржа неколку дена по историскиот еднодневен самит во селото Панмунџом. Состанокот доведе до долгоочекуван напредок во односите на двете земји, по тензиите кои ескалираа во текот на последните две години поради нуклеарните тестови на Северна Кореја и заедничките воени вежби на Јужна Кореја со САД и Јапонија.
Двајцата водачи потпишаа заедничка декларација, согласувајќи се да преземат мерки за поддршка на меѓународните напори насочени кон денуклеаризација на Корејскиот полуостров и да продолжат со програмите за повторно обединување на одделените корејски семејства.
