Руската Амбасада попладнево реагираше на својата официјална Твитер страница, со предупредување до граѓаните да внимаваат од кои медиуми ги добиваат информациите бидејќи се шират разни лажни вести, особено во врска со реакцијата на Руската Федерација во врска со договорот за името
„#Русија како постојана членка на Советот за безбедност на @un внимателно ги следи настаните околу прашањето за името. Решението треба да биде достоинствено и определено од страна на самите граѓани на Република Македонија, а не наметнато од надвор.“ – стои во во првиот Твит на амбасадата, објаснувајќи дека пораката на Лавров е дека Македонците треба да решат дали ќе го менуваат името, и ако да, тогаш самите да го изберат решението. Само во тој случај, решение кое народот мисли дека е достоинствено, Русија ќе го поддржи, но не и она на Ципрас и Заев.
#Русија како постојана членка на Советот за безбедност на @un внимателно ги следи настаните околу прашањето за името. Решението треба да биде достоинствено и определено од страна на самите граѓани на Република Македонија, а не наметнато од надвор. pic.twitter.com/MVhZQVw3Gp
— Посольство России МК (@Russian_Emb_MKD) June 13, 2018
Понатаму, од Амбасадата посочија и кој медиум се обиде да спинува и да шири лажни вести, посочувајќи го „Плусинфо“, иако во напливот на лажни вести дузина на провладини и проопозициски медиуми ја ширеа дезинформацијата.
Одделни медиуми за жал продолжуваат да шират тенденциозни толкувања и лажни вести за ставовите на #Русија по прашањето за името на Република #Македонија. Ги повикуваме читателите да бидат внимателни pic.twitter.com/pQkqEImHiz
— Посольство России МК (@Russian_Emb_MKD) June 13, 2018
“