Две дози на руската вакцина Спутник В ќе чинат помалку од 20 американски долари на меѓународниот пазар, а ќе биде бесплатна за руските граѓани, објавено е денес на официјалниот Твитер профил на Спутник V.
Претходно, шефот на Рускиот државен фонд за директни инвестиции (РИДИ), Кирил Дмитриев, изјави дека Русија ќе наплати помалку за вакцината против ковид-19 Спутник V отколку нејзиниот ривал, бидејќи Москва има намера да произведе повеќе од милијарда дози во земјата и странство следната година.
Тој го рече ова откако РДИФ и Националниот центар на Гамалеа објавија дека новите податоци за клиничко испитување засновани врз 39 потврдени случаи и 18 794 пациенти кои ги примиле двете дози на вакцината, покажуваат дека „Спутник v“ е 91,4 проценти ефективен на 28 ден и над 95 проценти на 42-от ден.
