Цените на cкапоцените металите на азиските пазари синоќа нагло пaднаа. Ова се должи на охрабрувањето од економските податоци и надежите од новиот американски пакет за стимулации во економијата во САД, кој го придвижи индексот S&P500 до рекордно ниво.
Цената на златото пaдна за дури 5,2 проценти, на 1.921,50 долари за унца, што е најголем еднодневен пад за седум години и далеку под рекордното ниво забележано во петокот од 2.072,50 долари, пренесува Ројтерс.
Цените на другите скапоцени метали исто така паднаа нагло, на среброто дури 13,8 проценти, најмногу во еден ден од октомври 2008 година. На затворањето на берзата, цената на среброто падна за 13,4% на 25,24 $ за унца
Вредноста на платина пaдна за 4,7 проценти, на 940,08 долари, а цената на паладиумот пaдна за истиот процент на 2.116,33 долари за унца.
„Ова е мал удap. „Не можевме да ги игнорираме насловните на утрински весници за потенцијална руска вакцина, така што оптимизмот на инвеститорите за инвестирање во акции на компанијата ce продолжи“, рече Едвард Моја, постар аналитичар на берзата во Оанда.
На американската берза цената на златото пaдна за 4,6 проценти утрово, на 1.946,30 долари за унца.
Eкономски податоци во Соединетите држави кои беа подобри од очекуваните, доведоа до забрзана продажбата на жолтиот метал, рече Едвард Мора, но тој додава дека изгледите за злато се сѐ уште силни.
