По вчерашната средба помеѓу лидерот на ВМРО-ДПМНЕ и Амбасадорот на Руската Федерација, попладнево Министерството за надворешни работи на Русија излезе со соопштение во врска со политичката криза во државава
Од Руското МНР известуваат дека се загрижени поради продлабочената политичка криза во Македонија по вештачки предизвиканите предвремени парламентарни избори кои се одржаа на 11-ти декември минатата година, кои не доведоа до решавање на систуацијата.
„Костантираме продлабочување на политичката криза во Р.Македонија. Станува очигледно дека вештачки предизвиканите предвремени парламентарни избори што се одржаа на 11-ти декември 2016 година не доведоа до решавање на ситуацијата„ – се вели во соопштението на Руското МНР.
Како што велат во соопштението МНР на Руката Федерација, се продолжува со псевдо-демократскиот надворешен притисок врз политичките сили во Македонија. Според МНР на Русија, очигледна е целта – некои Западни сили сакаат да се разреши со Македонските политичари кои не им се омилени, и покрај јасно изразената волја во корист на Никола Груевски и коалицијата „За подобра Македонија“ и за Али Ахмети и Демократската Унија за интеграција.
Од особена важност е фактот дека во мултиетничка Македонија, веќе се случи сериозен етнички конфликт, а политичарите од една етничка заедница врз основа на надворешно диктирани ултимативни барања фактички решаваат кој од блоковите на другата заедница да влезе во составот на идната владина колаиција – стои во соопштението.
„Бесрамното макијавелистичко манипулирање со волјата на гласачите може да предизвика ескалација на состојбата во Македонија и да ја наруши кревката стабилност во целиот регион“, истакнува Министерството за надворешни работи на Руската Федерација.
Убедени сме, потенцираат од руското МНР, дека само со целосно отфлање на штетните надворешни влијанија и со фокусирање на вистинската демократија, и самостојно решавање на внатрешните проблеми се основа за зацврстување на довербата меѓу народите кои живеат тука и формирање регионална клима за безбедност.
