Влошувањето на здравствената состојба на Едмонд Темелко благодарение на тортурата која се вршела врз него во истражниот затвор „Шутка“, каде му беше забранета лекарска помош, за поддржувачите на власта е повод за комедија и сарказам
Еден од најгласните поддржувачи на власта, Тито Беличаенц, вечерва објави монтирана фотографија на својот профил со текст „Од вечерва Темелко на ДПМНЕВСКИ домашен третман!“, коментирајќи ја одлуката на Кривичниот суд мерката притвор да ја замени со мерка куќен притвор.
Очигледно за власта здравствената состојба поради која е загрозен животот на градоначалникот за Пустец Едмонд Темелко е повод за водење на пропаганда, потсмевање и цинизам. Ваквата садистичка пракса на апологетите на СДС е само продолжување на неколкугодишната црна пропаганда, некрофилија и садизам кој започна со злоупотребата на трагедијата на малата Тамара.
