Во нападот на коалицијата предводена од САД врз Рака загинале најмалку десет цивили
Најмалку десет цивили загинале во нападот на САД западно од неофицијалната претстолнина на ИСИС, соопшти сириската државна агенција САНА, повиувајќи се на сведоштва на локалното население.
Коалицијата која ја предводи САД изведува удари во областа на Рака како поддршка на акцијата на курдско-арапските единици на Сириските демократски сили против ИСИС.
„Авијацијата на меѓународната коалиција на чело со САД изведе масакар во селото Хунеида во западниот дел на провинцијата Рака, во која се убиени најмалку 10 цивили“, соопштиле локални извори.
За инцидентот јави и телевизијата „Ал Џазаира“ повикувајќи се на неименувани извори. Телевизијата, како што извести и сириската агенција, јавува за десет загинати цивили во нападот извршен од САД.