Соединетите Американски Држави понудиле награда од пет милиони долари за информација за лидерот на екстремистичката талибанска група во Пакистан, Мулаху Фазлулаху. Оваа екстремистичка група со децении води бунт во Пакистан, пренесува „Ројтерс“.
Веста за паричната награда стигна во моменти на влошување на односите меѓу САД и Пакистан, кога пакистанскиот министер за надворешни работи е во посета на Вашингтон поради разговори за интензивирање на соработката во борбата против тероризмот и за американската воена стратегија во Авганистан.
Американскиот Стејт департмент понуди парична награда од три милиони долари и за уште двајца талибански екстремисти Абдула Вали и Мангала Бага.
„Секој од нив извршил или ќе изврши терористички напад и претставува закана за безбедноста на САД и нивните граѓани“, се наведува во соопштението на Стејт департментот.
