САД ПОБАРА ОД РУСИЈА ДА ГО ВРАТИ КРИМ: Москва со одговор – „Русија не враќа своја територија никому“

- Advertisement -

Министерството за надворешни работи на Русија одговори на изјавите на Белата куќа за Крим

Портпаролот на Министерството за надворешни работи на Русија Марија Захарова, коментирајќи ја изјавата на Белата куќа за Крим, изјави дека Москва „свои територии не враќа“.

„Ние свои територии не враќаме. Крим – тоа е територија на Руската Федерација“, потенцира Захарова, пренесува РИА „Новости“.

Претходно портпаролот на Белата куќа Шон Спајсер изјави дека претседателот на САД Доналд Трамп очекува Русија да се зафати со деескалација на конфликтот во Украина и „да го врати Крим“.

Спајсер исто така истакна дека политиката на санкции на Вашингтон спрема Москва останува непроменета.