И покрај критиките за неговите ставови и улога во однос на прашањето за името кое рефлектираше промена на знамето на Република Македонија и прифаќање на срамната референца БЈР Македонија, поранешниот претседател Киро Глигоров бил против штетен договор со Бугарија со кој се негираат македонската нација и јазик, се сеќаваат негови соработници.
Претседателот Глигоров сметал дека ќе биде навредливо и погубно ако се потпише било каков договор со кој ќе се нанесе непоправлива штета на генерации Македонци кои се бореле за независната држава и нејзиниот интегритет и суверенитет.
Овие ставови на Глигоров се од периодот околу потпишувањето на спогодбата со Бугарија во 1999 година која прво е помалку штетна од договорот на Заев затоа што има далеку помало правно значење, а дополнително во неа воопшто нема никаква заедничка историја на чие признавање и славење би се обврзале двете земји, како што е тоа сега.
Изјава од тој период против штетен договор со Бугарија во кој не би се признале македонската нација и јазик има и од тогашниот премиер Бранко Црвенковски кој меѓу другото вели:
„Неподготвеноста во Бугарија да се признае засебноста на македонскиот народ и засебноста на македонскиот јазик, создава сомнеж. Јас ви тврдам дека ако тоа прашање се реши, а може да го реши само бугарската страна, испочитувајќи го тоа право дека во тој момент, никаква резерва, во моментов и во наредните не знам колку години, децении или векови во односите меѓу двете земји, двата народи повеќе нема да постои“.
