Русија може ако има потреба да ја користи авио-базта во Хамадан, Иран ако носачот на авиони „Адмирал Кузњецов“ се оддалечи од сирискиот брег со што неговата палуба нема да може да се користи за изведување на удари на терористите во Сирија, изјави шефот на комитетот на Советот на Федерацијата за одбрана и безбедност Виктор Озеров
„Русија можеби ќе има потреба да ја користи авио-базата во Хамадан, ако ‘Адмирал Кузњецов’ се наоѓа на друга задача и неговата палуба не може да се користи за удари по терористите во Сирија“, рекол Озеров.
Сенаторот нагласил дека е воспоставено ниво на воено-политичка соработка помеѓу Русија и Иран, вклучително и изведување на антитерористички операции во Сирија со што се покажува дека таа соработка би можела да биде проширена и на руска корист преку користење на иранската база Хамадан. Министерот за одбрана на Иран Хусеин Деган претходно изјави дека Иран би можел да им дозволи на руските авиони да ја користат авио-базата „Ноже“ во Хамадан, пренесува агенцијата „Тасним“.
Руските воздушно-космички сили во средината на август за прв пат ја користеа иранската база во Хамадан за изведување на воздушни напади по објекти на терористичките групи на ИСИС и Ал Нусра.
