Милиметар го дели светот од голема војна, изјави бившиот командант на Црноморската флота на Русија, адмирал Владимир Комоједов
„Се чини дека сите Американцки полуделе: светот се наоѓа на милиметар од голема војна, и тоа сериозно. Меѓутоа, јас се надевам во здравиот разум и можноста на политичарите да се договорат – и нашите и американските. Не смее да се дозволи војна“, наведува „Ѕвезда“.
Според неговите зборови, во услови во кои САД ја зголемува својата воена група во блискоисточниот регион, Русија нема да седи со скрстени раце.
„Ветувањата кои им се дадени на Сиријците за заштита ќе бидат реализирани. Можеме во Сирија да ги употребиме постоечките сили и средства за противвоздушна одбрана. Таму имаме прилично добри можности, што се однесува до ловечката авијација“, рекол Комоједов.
Тој додава дека ситуацијата е доста сериозна и дека војна треба да се избегне, да се запре додека останале неколку милиметри сеуште.
