Пратениците од СДСМ неможејќи да го издржат притисокот и прашањата кои секојдневно им се упатуваат за прифатената Тиранска платформа ја напуштија салата каде во тек е собраниската седница.
Пратениците од ВМРО-ДПМНЕ веќе втора недела го повикуваат Зоран Заев да излезе и да каже што прифатил од платформата, но одговор нема. Исто така за овие прашања одговори бараат и граѓаните кои што секојдневно протестираат на улиците низ цела територија на Република Македонија.
Иако со денови пратениците на секој можен начин се обидуваат да го тргнат вниманието од Тиранската платформа сепак барањата од народот и пратениците од ВМРО-ДПМНЕ станаа неподносливи за пратениците на СДСМ.
Очигледно дека никој од СДСМ нема намера да излезе и да каже која е цената што ја платиле за да ги добијат потписите од албанските партии иако истите неколку пати потврдија дека Зоран Заев ги прифатил барањата од Тиранската платформа.