Опозициската коалиција предводена од СДСМ вечерва до Државната изборна комисија ги достави листите со кандидати за пратеници за предвремените парламентарни избори на 11 декември. Исто така и ДУИ околу 10 часот ги доставиле кандидатските листи до ДИК.
Коалицијата на СДСМ во првата изборна единица ја предводи Стево Пендаровски, а Оливер Спасовски во втората ИЕ. Во третата ИЕ носител е Љупчо Николовски, во четвртата претседателот на СДСМ Зоран Заев, петтата Радмила Шеќеринска, а во шестата Петре Шилегов.
Претходно листи поднесоа и Левица, Коалицијата за промени и правда, ЛП, ПДП и ДПА.