Молкот на СДСМ по однос на Платформата на дел од албанските партии всушност кажува дека СДСМ не дава приоритет на националните интереси, Уставот, волјата на граѓаните, туку е подготвена за калкулации што пак доликува на нивното однесување.
Ова во вестите на Канал 5 го истакна Антонио Милошоски од ВМРО-ДПМНЕ.
Ние сме јасни и транспарентни. Тоа што за нас е прифатливо, ние го кажуваме. Има право секој граѓанин да знае на што е кога дал доверба на некоја политичка партија. Во моментов мислам дека многу граѓани кои ја дале поддршката за СДСМ не знаат какви се позициите на СДСМ по некои клучни прашања, а гледаме дека партијата на Заев се обидува преку свои експерти и такнаречени аналитичари да испрати сигнал дека за нив се е прифатливо за да дојдат на власт, истакна Милошоски.