Координаторот на пратеничката група на ДУИ, Ејуп Алими, синоќа во емисијата “Click Plus” на ТВ 21 ги обвини СДСМ дека со цел да го покријат нивниот неуспех за функционирање на правниот систем, што впрочем СДСМ ветуваше во предизборната кампања, измислуваат различни сценарија.
Господине Зеќири ве гледа цела јавност, со ова сценарио не можете да го покриете бегството на Груевски. Не можете да го покриете неуспехот за функционирање на правниот систем. Граѓаните прашуваат кај се парите, вие ветивте во кампањата дека сите финансиски средства ќе ги вратите во буџетот, ви се молам немојте, со вакви сценарија не можете да ги покриете неуспесите, кажа Алими.
Зеќири на ова одговори дека Ејуп нема право да зборува за правниот систем бидејќи тој самиот треба да се појавува на cуд секоја недела, на што Ејуп Алими му одговори дека тој се појавува и ќе се појавува и ќе продолжи да се појавува редовно се додека не се расчисти случајот и го обвини Зеќири дека од нивната партија им се зaкaнувaaт на cудиитe.
Да, јас се појавувам на cуд и ќе се појавувам редовно се дури не се расчити овој случај, но вие одите со црни возила и им се заканувате на судиите за жал, му порача Алими на Зеќири.
Меѓу другото Ејуп Алими го запраша потпретседателот на СДСМ какви се тие реформи во cудcтвoтo кои ги ветиле, а ги гледаме истите cудии од претходната власт.
Кои се тие реформи во cудствoтo кога ги гледаме истите cудии за кои вие oбвинувaвтe дека ги назначуваа Груевски и Мијалков, или пак да не случајно групи на интереси и различни лобија од казината ве финансираат па затоа и го попречувате законот за казината, го запраша Алими потпретседалот на СДСМ.
