Постизборниот инжинеринг кој се состои во фалсификување на волјата на граѓаните искажана на слободни и демократски избори практично претставува шамар на СДСМ за граѓаните на Теарце кои за оваа партија учествувале во изборни нерегуларности и покрај тврдењето на сите членови на избирачкиот одбор како и граѓаните на Теарце дека изборниот ден поминал мирно.
Зад овој превез се крие желбата на СДСМ преку политичката поддршка и влијание во Државната изборна комисија чиј претседател е Александар Чичаковски кој е од СДСМ и според сите правни експерти политичката, а не правна одлука на Управниот суд, како и поддршката на надворешен фактор да се влијае на конечниот резултат и да се поништат 455 илјади гласови кои ги донесе ВМРО-ДПМНЕ, резултат кој е вториот најсупешен за оваа партија по победата во 2014-та година.
За многумина надвор од здравата логика е да се смета дека некој би правел бугарски воз и тоа токму во општината Теарце. Македонија со ова повторно се втурнува во една нечесна игра, а на Теарце од страна на Зоран Заев се гледа како сламка за спас на неговата политичка кариера.
Повторувањето на одличниот резултат од 455 илјади гласови кои ги освои ВМРО-ДПМНЕ јасно укажува дека во вода паѓаат сите теории дека и претходните победи биле фингирани, како и дека постојат фантомски гласови. Во Теарце беше издвојувана чиста победа и чист изборен резултат за што сведочат и членовите на избирачкиот одбор.
Дополнително уште на самиот изборен ден на 11 декември голем дел од граѓаните во Теарце истакнаа дека гласањето поминало во мирна и фер демократска атмосфера, како и дека не се забележани никакви неправилности и нерегуларности.
На социјалните мрежи веќе наголемо се појавуваат објави дека СДСМ фрла огромни суми на пари во Теарце за купување на гласови.
