Во СДСМ е метастазиран Сорос, кому прв таргет му се левичарските партии каде полесно може да се навлезе и оттаму да се бори против десничарските, изјави политичкиот аналитичар и историчар Никола Србов во „Отворено студио“ на ТВ НОВА.
„Сорос создава некоја нова идеологија, создава интернационала што се враќа на некоја екстремна левица, ги уништува социјалдемократите, создава некое отворено општетство, сака да избрише граници, брише идентитети, удира по религијата, семејството промовирајќи геј бракови, индустријата што е една од основите за самостојноста на една држава, образованието, сето она што те прави човек поразличен од останатите. Сака да не унифицира цел Балкан под една капа? Сорос ќе биде Сталин? Станува збор за тоталитарец од невидени размери, но СДСМ ја загриза мамката. Бранко Црвенковски не беше подготвен да ја загриза иако му беше понудено, но Заев се нафати“, изјави Србов.
Во Македонија левицата, особено СДСМ е наследник на комунистичкиот татко, на Милошевиќ, а пред Милошевиќ од Ранковиќ – човекот кој ја изврши најголемата ликвидација на Албанци на овие простори. СДСМ е продолжение на таа политичка партија, изјави во „Отворено студио“ на ТВ НОВА аналитичарот Никола Србов зборувајќи за корените на двете најголеми политички партии во Република Македонија.
„Од другата страна ги имаме ВМРО-ДПМНЕ – партија којашто во континуитет ги всадува сите организации ВМРО од основањето кои се за соработка со Албанците. При формирањето, македонската револуционерна организација никогаш немала проблем со Албанците, имала проблем со Грција, Бугарија, Србија и Османлиската империја, немала потреба организацијата да се бори против Албанците. Меѓу двете светски војни најголемата соработка на ВМРО е со албанската организација. По втората светска војна, за време на Југославија ВМРО-вските организации се залагаат за создавање на обединета македонска независна држава што ќе биде протекторат на САД. Додека Македонците под капата на ВМРО го барале токму ова во Македонија, пријателите Албанци градеа бункери велејќи дека ќе се бранат од лошите Американци и склучуваа договори со Сталин, а комунистите отвораа логори, Голи Оток, Идризово“, објасни историчарот Србов.
Тој додаде дека мора да се разграничи кој и од каде потекнува, па оттаму да си ја влече идеологијата.
„Не може некој кој до вчера бил комунист, сега да станува демократ па уште и поборник за албанските права, а оние што се ВМРО да бидат анти-албански настроени“, заклучи Србов.
