Веќе е повеќе од јасно дека СДС ако треба и насила ќе ја спроведе стратегијата за интегрирање и вдомување на мигранти, притоа со намера да им се забрани на граѓаните да се изјаснат за оваа стратегија и преку нивните советници во општините, но и со забрани за спроведување на локални референдуми по ова прашање
Како што дознаваме од партиски извори во СДС, Мухамед Зекири вршел најсилен притисок во партијата и кај членовите на Извршниот одбор од партијата за прифаќање на стратегијата за бегалци, дури и под закана дека е спремен да го напушти потпретседателското место, ако овој план не се истурка до крај.
Со стратегијата на СДС се предвидува да се згрижат 100.000 Сиријци, во нови станови во Македонија, да им се најде работа, а доколку се со семејства да се одвои од државниот буџет за социјална помош.
Дека СДС нема намера да ги консултира граѓаните, или пак да ја почитува нивната волја, потврди и Фросина Ременски во вчерашната дебата со Владимир Ѓорчев на која изјави дека СДС не ги интересира што мислат советите на општините, притоа дури и одземајќи им го правото воопшто да дискутираат на таа тема.
Стратегијата за интегрирање на мигранти и бегалци која ја потпиша Зоран Заев на предлог на Мила Царовска, предвидува примање на мигранти од кризните подрачја на блискиот и среден Исток, нивно вдомување во наменски станови и куќи кои ќе бидат изградени со народни пари, гарантирано вработување, издавање на Македонско државјанство по итна постапка, како и изградба на градинки и училишта со цел полесна интеграција на мигрантите.
Ваквата стратегија ја скандализираше Македонската јавност, мобилизирајќи ги граѓаните и општествените фактори да превземаат активности со цел спречување на имплементација на оваа стратегја, но под притисок на Мухамед Зекири, советниците на СДС во општините низ Македонија бегаат од расправа, и се трудат да ја минираат волјата на народот во општинските совети.
