Пратеничката од СДСМ Фросина Ременски премолчено потврди дека ја подржува Стратегијата за масовно трајно населување на огромен број мигранти во Македонија.
Во отвореното студио на ТВ Нова во кое заедно со пратеникот од ВМРО-ДПМНЕ Владимир Ѓорчев дебатираа за Стратегијата за мигрантите, Ременски премолчи на прашањето дали ја подржува истата и упорно дефокусираше.
-Дали ја подржувате оваа стратегија за 2017-2027 година. Дали вие како потпретседател на СДСМ ја подржувате стратегијата на вашата влада за 2017-2027 година. Дали ја подржувате оваа стратегија која што сега е нацрт и која што треба да ја одреди иднината на Македонија, неколку пати ја запраша Ѓорчев и додаде: Вие не сакате пред јавноста да кажете дека ја подржувате оваа стратегија.
Ременски се обиде да ги одбегне овие прашања и да дефокусира од нив, а истовремено премолчено потврди дека и таа како и Зоран Заев и министерката за труд и социјална политика Мила Царовска ја подржува оваа стратегија за масовно населување на мигранти.
Според Ѓорчев пак, Македонија треба да остане она што е во моментов, транзитна земја на мигрантите.
