Првите количини на гас преку гасоводот „Северен тек“ 2 ќе бидат испорачани до полноќ на 31 декември 2019 година, рече директорот на австриската компанија ОМВ, Рајнер Зеле на прес-конференција.
„Првите кубици гас ќе биде испорачани до полноќ на 31 декември“, одговори Зеле на прашањето за почетокот на испорака на гас преку Северен тек 2.
Според директорот на австриската компанија, 70 проценти од гасоводот веќе е поставен на дното на Балтичкото Море.
Зеле истакна дека не се очекуваат одложувања на проектот, а останува уште Данска да ја одобри градежна дозвола за да се комплетира проектот.
Проектот „Норд тек“ 2 вклучува изградба на два нафтоводни краци, со вкупен капацитет од 55 милијарди кубни метри гас годишно, од руското крајбрежје преку Балтичкото Море до Германија. Вотриот крак на гасоводот треба да биде изграден веднаш до Северен тек. Тој ќе поминува низ територијални или исклучиво економски зони на држави долж брегот на Балтичкото Море: Русија, Финска, Шведска, Данска и Германија.
