Сега и официјално, ова е новиот тренер на Јувентус

- Advertisement -

Андреа Пирло и официјално стана нов тренер на Јувентус. Италијанскиот фудбалски шампион вечерва потврди дека 41-годишниот Пирло потпиша договор со важност до 2022 година.

За Пирло, ова ќе биде прво искуство во тренерската кариера. На крајот на јули, тој беше назначен за главен тренер на младинскиот тим (до 23 години) на Јувентус.

Пирло е светски првак во 2006 година со италијанската репрезентација. Играше за Јувентус од 2011 до 2015 година. Како дел од тимот, тој стана четирикратен шампион на Италија, го освои Суперкупот двапати и националниот Куп еднаш.