И покрај тоа што неколку месеци не се појавил на работа, Бурим Максути, заменик директорот на тетовскиот затвор, се уште не е разрешен од оваа позиција и редовно си ја зема својата функционерска плата.
Тој со одлука на Владата на Република Македонија е именуван на оваа позиција, но од именувањето до денес само неколку пати се појавил на своето работно место.
Вработените во тетовскиот затвор коментираат дека Максути подолго време неофицијално најавувал дека ќе поднесе оставка од оваа позиција, но таа се уште не е поднесена.
Тие коментираат дека Владата е запознаена со фактот дека Максути не доаѓа на своето работно место, но поради мир во коалицијата не преземаат никакви мерки за решавање на случајот и негово разрешување.